மொழிபெயர்த்துப் பொருளுணர்த்தும் சேவை

தொடர்ச்சியாகப் பொருளுணர்த்தல்

தொடர்ச்சியாகப் பொருளுணர்த்தல் என்பது, மிகவும் பொதுவான பொருளுணர்த்தல் வகையைச் சார்ந்தது ஆகும். இதன்படி, உங்களுடைய பேச்சாளர் சில வாக்கியங்களைப் பேசிவிட்டுப் பிறகு நிறுத்திக் கொள்வார். எங்களது தொடர்ச்சியாகப் பொருளுணர்த்துனர் அவர் பேசியவற்றை வேறொரு மொழியில் மொழிபெயர்ப்பார்.

தலத்திலேயே நடைபெறும் தொடர்ச்சியாகப் பொருளுணர்த்தல் பெரும்பாலும் சிறிய குழுவினருக்காக அல்லது ஒருவர்- ஒருவர் சந்திப்புகள் நிகழும் ஆய்வரங்கங்கள், நேர்காணல்கள், பயிற்சி அமர்வுகள், வர்த்தகக் கூட்டங்கள், மருத்துவக் ஆலோசனை, திருமணப் பதிவு, செய்தி வெளியீடுகள், நீதிமன்ற விசாரணைகள் போன்றவை அல்லது ஒரு கருத்தரங்கத்தில் பங்கேற்றிருக்கும் தனிநபருக்குத் தாழ்ந்த குரலில் விளக்கம்தரவும் பயன்படுத்தப்படுகிறது.

இயல்பாக, பொருளுணர்த்தல் பேச்சு நிகழும் அதே நேரத்தில் மேற்கொள்ளப்படுவதில்லை. இதற்கென்று சிறப்புக் கருவி எதுவும் தேவையில்லை. உடன்நிகழ்கின்ற பொருளுணர்த்தலுக்கு ஆகும் கட்டணத்தோடு ஒப்பிடுகையில் இதற்கு ஆகும் கட்டணமும் கணிசமான அளவுக்கு மலிவானதே ஆகும்.

உடன்நிகழ் பொருளுணர்த்தல்

உடன்நிகழ் பொருளுணர்த்தல் என்பது, அதன் பெயரிலேயே விளக்கம் அடங்கியுள்ளதைப் போல, உங்களுடைய பேச்சாளர் என்ன சொன்னார் என்பதைக் கிட்டத்தட்ட அதே நேரத்தில் பொருளுணர்த்துனர் மொழிபெயர்த்து வழங்குவதாகும். உடன்நிகழ் பொருளுணர்த்தல், பொதுவாக சர்வதேசக் கருத்தரங்கங்க நிகழ்வின்போது அல்லது குவியக் குழு விவாதங்களின்போது பயன்படுத்தப்படுகிறது.

உடன்நிகழ் பொருளுணர்த்தல் சேவையை வழங்கும்போது, எங்களுடைய பொருளுணர்த்துனர்கள் (பொதுவாக ஓரிணை மொழிகளுக்கு இரண்டு பேர்) ஒலிபுகா அறைக்குள் அமர்ந்து, ஒருவர் மாற்றி ஒருவர் பணிபுரிந்து, பேராளர்கள் அனைவரும் புரிந்துகொள்ள வசதியாக ஆடியோ கருவியின் மூலமாகப் பார்வையாளர்களுக்கு தமது மொழிபெயர்ப்பை ஒலிபரப்புவார்கள்

உடன்நிகழ்கின்ற பொருள்விளக்கச் சேவை பேச்சு நிகழும் அதே நேரத்தில் மேற்கொள்ளப்படுவதாலும், திருத்தம செய்ய இரண்டாவது வாய்ப்பு ஏதுமில்லைஎன்பதாலும், முதல்முறையாகக் கேட்கும்போதே பொருளுணர்த்துனர்கள் சரியாகப் புரிந்துகொண்டாகவேண்டும். உள்ளபடியே, இதற்கு மிகச்சிறந்த பொருளுணர்த்தல் திறனும், மிக விரைவான எதிர்வினை வேகமும் தேவை. உங்களுக்கு உறுதியளிக்கும் வகையில், எங்களுடைய அனைத்து உடன்நிகழ் பொருளுணர்த்துனர்களும் குறைந்தபட்சம் 6 ஆண்டுகள் தொழில்முறை அனுபவம் உடையவர்களாக உள்ளனர். அத்துடன், இவர்களில் பலரும் சட்டம், மருத்துவம், உயிர் அறிவியல், தகவல் தொழில்நுட்பம், வங்கியியல் அல்லது நிதியியல் போன்ற அவர்கள் தேர்ந்தெடுத்திருக்கும் களங்களில் ஆழமான அறிவைக் கொண்டுள்ளனர்.

தாழ்குரல் பொருளுணர்த்தல்

பொருளுணர்த்தல் சேவை ஒருவர் அல்லது இருவருக்கு மட்டும் தேவைப்படும்போது, நீங்கள் ஒரேயொரு SI பொருளுணர்த்துனரை அமர்த்தி அவர்கள் ஒரேநேரத்தில் பொருளுணர்த்தலைப் புரிந்துகொள்ள ஏற்பாடு செய்ய எண்ணலாம். இது மெய்யாகவே, மொத்த உபகரண வாடகைச் செலவைச் சேமிக்க உதவும்.

தாழ்குரல் பொருளுணர்த்தலில் பொருளுணர்த்துனர் இலக்குமொழியைப் புரிந்துகொள்ளவேண்டுபவரின் அருகே அமர்ந்து அவரது செவிக்கருகே தாழ்குரலில் பொருளுணர்த்துவாதாகும். மேலும் இது மெய்-நேரத்தில் செய்யப்படுவதாகும்.

தொலைநிலைக் கருத்தரங்கப் பொருளுணர்த்தல்

தொலைநிலைக் கருத்தரங்கப் பொருளுணர்த்தல் என்பது ஒரு சிறிய கூட்டத்தை நடத்துவதற்கு மிகவும் திறமையான, கட்டணம் குறைவான வழியாகும். எங்களது பின்தொடர் பொருளுணர்த்துனர், எங்களது வளாகத்தில் இருந்து உங்களது நோக்கத்தைப் பூர்த்திசெய்யும் வகையில் கூட்டத்துக்கான பொருளுணர்த்தல் சேவையை அளிப்பார். நீங்கள் தேர்ந்தெடுத்திருக்கும் கூட்டத்துக்கான தலத்துக்கு பொருளுணர்த்துனர் பயணம் செய்யத்தேவையில்லை என்பதால், இதற்கான கட்டணமும் தொடர்ச்சியாகப் பொருளுணர்த்தலுக்கு ஆகும் கட்டணத்தை விட மிகவும் குறைவானதே ஆகும்.

வழித்துணைப் பொருளுணர்த்தல்

வழித்துணைப் பொருளுணர்த்தல் என்பது நாங்கள் உங்களுக்கு அல்லது ஐரோப்பா அல்லது அமெரிக்காவில் இருந்து – சிங்கப்பூருக்கு அல்லது வேறு ஏதாவது ஆசிய நாட்டுக்கு, வர்த்தகப் பயணம் அல்லது இடங்களைக் காணச் சுற்றுலா மேற்கொள்ளும்விருந்தினருக்கு, நாங்கள் வழங்கும் பொருளுணர்த்தற் சேவை ஆகும்.

வழித்துணைப் பொருளுணர்த்தலில், ஒரு பொருளுணர்த்துனர் பயணம்மேற்கொள்ளும் நபர் அல்லது குழுவுடன் இணைந்து, தலத்துக்கு அல்லது கூட்டத்துக்கு அல்லது நேர்காணல் நடக்குமிடத்துக்குப் பயணம் மேற்கொள்வார், இவ்விதப் பங்களிப்பைச் செய்யும் பொருளுணர்த்துனர் வழித்துணைப் பொருளுணர்த்துனர் என்றழைக்கப்படுகிறார்.

பொருளுணர்த்தற் கருவி

உடன்நிகழ் பொருளுணர்த்துனர்களை வழங்குவதோடு, எந்தப் பிரச்சனைகள் எழுந்தாலும் அதனைச் சமாளிப்பதற்காக, நிகழ்ச்சி முழுவதும் தலத்திலேயே இருக்கும் அனுபவம் வாய்ந்த தொழிலாளர் ஒருவரைப் பணியமர்த்திக் கருத்தரங்கப் பொருளுணர்த்தற் கருவியையும் நாங்கள் வாடகைக்கு வழங்குகிறோம்

விளக்கம்

அறைக்குள் ஒவ்வொரு பொருளுணர்த்துனருக்கும் ஒரு பொருளுணர்த்துனர் கட்டுப்பாட்டுக்கருவி வழங்கப்படும்.
அவுட்புட் சேனல்கள் முன்னமே அமைக்கப்பட்டு, பொருளுணர்த்துனர்களின் அவுட்புட் தனித்தனி சேனல்களில் வழங்கப்படும். எடுத்துக்காட்டாக,

சேனல்0 – கூடம்
சேனல்1– ஆங்கிலம்
சேனல்2- சீனா
சேனல்3- கொரியா
சேனல்4- ஜப்பான்
சேனல்5-வியட்நாம்

எண்ணிக்கை

உடன்நிகழ் பொருளுணர்த்தலில் ஒரு மொழி இணைக்கு இரண்டு பொருளுணர்த்துனர்கள் இணைந்து பணியாற்றத் தேவைப்படுகிறது, மேலும் அவர்கள் முறையே 30 நிமிட நேரம் கவனமுடன் பணியாற்றுவர். எனவே 2 பொருளுணர்த்துனர் கட்டுப்பாட்டுக்கருவிகள் ஒவ்வொரு அறையிலும் வழங்கப்படும்.

விளக்கம்

நிகழ்ச்சிக் கூடமெங்கிலும், பேராளர்கள் உடன்நிகழ் பொருளுணர்த்தலை போதுமான வலுவுடன் அகச்சிவப்பு சமிக்கை மூலம் பெறுவதை உறுதிப்படுத்தப் பல இடங்களில் ரேடியேட்டர்கள் தாங்கிகளில் நிறுவப்படும்.

எண்ணிக்கை

கூட்ட அரங்கின் பரப்பளவைச் சார்ந்தது, வழக்கமாக 4~5 ரேடியேட்டர்கள் வழங்கப்படும்.

விளக்கம்

கேள்வி & பதில் அமர்வில் கேள்விகள் எழுப்பத் தோதுவாக, வாடிக்கையாளரின் கோரிக்கைக்கேற்ப பேராளர்கள் தொகுதி வழங்கப்படும்.

எண்ணிக்கை

வாடிக்கையாளரின் கோரிக்கைக்கேற்ப பேராளர் தொகுதி வழங்கப்படும். சில வாடிக்கையாளர்களுக்குத் தேவைப்படலாம், சிலருக்குத் தேவைப்படாது.

ஒரு தலத்தில் விருந்தினர்கள் ஓரிடத்திலிருந்து மற்றோரிடத்துக்கு செல்ல வேண்டியபோது எழும் உடன்நிகழ் பொருளுணர்த்தல் சேவைத் தேவை அல்லது தலத்திலேயே ஏற்பாடு செய்யப்படும் கூட்டங்களுக்கு முழுமையாகக் கருவிகளை சிறிய எண்ணிக்கையிலுள்ள பங்கேற்பாளர்களுக்காக வாடகைக்கு ஏற்பாடு செய்வதில் பெரும் செலவு ஏற்படும்போது தாங்கள் எங்களது கம்பியில்லா சுற்றுலா வழிகாட்டி அமைப்பைத் தெரிவு செய்துகொள்ளலாம்.

ஒரு கம்பியில்லா சுற்றுலா வழிகாட்டி அமைப்பில் 50 மீட்டர் வரம்புக்குள் நன்றாகச் செயற்படும் 1 ட்ரான்ஸ்மிட்டர் + 1 ரெசீவர் வழங்கப்படும். ஒரு ட்ரான்ஸ்மிட்டரை பல ரெசீவர்களுடன் செயல்படும் வரம்புக்குள் இயக்கலாம்.